ரஜினி நடித்த எந்திரன் படத்தில் இரும்பிலே ஒரு இதயம் முளைத்ததோ, பூம் பூம் ரோபோடா போன்ற பாடல்களை எழுதியவர் மதன் கார்க்கி.
ரஜினிக்காக அவர் எழுதிய முதல் இரண்டு பாடல்களுமே ஹிட்டானது மதன் கார்க்கிக்கு பெரிய உற்சாகத்தைக் கொடுத்தது.
அதோடு, தான் பாடல் எழுதிய இரண்டாவது படத்திலேயே ஏ.ஆர்.ரகுமானின் இசையில் பாடல் எழுதி விட்டார். அப்படத்தை பிரமாண்ட இயக்குனர் ஷங்கர் இயககியிருந்தார்.
ஆக, எந்திரன் மதன் கார்க்கிக்கு ஒரு பெரிய ஓப்பனிங்காக அமைந்தது. அதனால் குறுகிய காலத்திலேயே நிறைய படங்களுக்கு பாடல் எழுதியுள்ள அவர், தற்போது ரஜினி நடித்துள்ள லிஙகா படத்திலும் மோனோ காஸோலினோ என்றொரு பாடலை எழுதியிருக்கிறார். இந்த பாடலும் தற்போது மெகா ஹிட்டாகியிருக்கிறது.
ஆனால், லிங்கா படம் உலகம் முழுவதிலும் வெளியாவதால், அந்த பாடல் வரிகளின் பொருளை மற்ற மொழியைச்சேர்ந்தவர்களும் புரிந்து கொள்ள வேண்டும் என்பதற்காக, அப்பாடலை ஆங்கிலத்தில் மொழி பெயர்த்து தனது இணையதள பக்கத்தில் வெளியிட்டுள்ளார் மதன் கார்க்கி.
அதோடு, அந்த பாடலை தனது மனைவி நந்தினி மதன் கார்க்கி ஆங்கிலத்தில் மொழிபெயர்த்தாகவும் குறிப்பிட்டுள்ளார் அவர்.
அதைத்தொடர்ந்து, அப்பாடலை படிக்கும் ஏராளமான ரஜினி ரசிகர்கள் லைக் கொடுத்து வருகிறார்களாம்.