இந்தியாவின் 100 பிரபலங்கள் பட்டியலில், இசையமைப்பாளர் ஏ.ஆர். ரகுமான், 13வது இடத்தை பிடித்துள்ளார்.
இந்தியாவின் முதல் 100 பிரபலங்கள் பட்டியலை , போர்ப்ஸ் பத்திரிகை வெளியிட்டுள்ளது.
சம்பளம் மற்றும் எந்த அளவு பிரபலமாக உள்ளார்கள் என்பதன் அடிப்படையில், இந்த பட்டியல் தயாரிக்கப்பட்டுள்ளது.
பட்டியலின் முதலிடத்தில் சல்மான் கானும், இரண்டாம் இடத்தில் அமிதாப் பச்சனும், மூன்றாம் இடத்தில் ஷாரூக் கானும் மற்றும் நான்காம் இடத்தில் கிரிக்கெட் வீரர் மகேந்திர சிங் தோனியும், 5ம் இடத்தில் அக்ஷய் குமாரும், 6ம் இடத்தில் விராட் கோஹ்லியும், 7ம் இடத்தில் அமீர் கானும், 8ம் இடத்தில் தீபிகா படுகோனேவும், 9வது இடத்தில் ஹிருத்தி்க் ரோஷனும் மற்றும் 10ம் இடத்தில் சச்சின் டெண்டுல்கரும் உள்ளனர். 13வது இடத்தில், இசையமைப்பாளர் ஏ.ஆர்.ரகுமான் உள்ளார்.
இந்த பட்டியலில் இடம்பெற்றுள்ள பிரபலங்களில், ஒரே தமிழ்நாட்டுக்காரர், ஏ.ஆர்.ரகுமான் தான் என்பது குறிப்பிடத்தக்கது.
