பூஜை படத்தை அடுத்து சுந்தர்.சி.இயக்கத்தில் ஆம்பள படத்தில் தற்போது நடித்து வரும் விஷால், அடுத்து வேந்தர் மூவீஸ் தயாரிப்பில், சுசீந்திரன் இயக்கும் படத்தில் நடிக்க இருக்கிறார்.
இந்தப் படத்தில் விஷாலுக்கு ஜோடியாக காஜல் அகர்வால் நடிக்கிறார். பாண்டிய நாடு படத்திற்குப் பிறகு சுசீந்திரனும், விஷாலும் இணையும் இப்படத்தைத் தொடர்ந்து லிங்குசாமி இயக்கத்தில் நடிக்க இருக்கிறார் விஷால்.
செல்லமே படத்தில் அறிமுகமான விஷால் தன் இரண்டாவது படமாக லிங்குசாமி இயக்கத்தில் சண்டக்கோழி படத்தில் நடித்தார். அப்படத்தை விஷாலின் அப்பா தயாரித்தார்.
அப்போது ஏற்பட்ட பிரச்சனையினால் விஷால் - லிங்குசாமி இருவரும் பல வருடங்களாக பேச்சுவார்த்தை இல்லாமல் இருந்தனர். கடந்த சில வருடங்களாக மறுபடியும் நட்பானார்கள்.
இந்நிலையில்தான் தற்போது லிங்குசாமியும் விஷாலும் மீண்டும் இணைகின்றனர். இப்படம் சண்டக்கோழி படத்தி இரண்டாம் பாகம் என்று சொல்லப்படுகிறது.
சூர்யா நடிப்பில் அஞ்சான் படத்தை இயக்கிய லிங்குசாமி, தற்போது கார்த்தியை வைத்து எண்ணி ஏழு நாட்கள் படத்தை இயக்கவிருக்கிறார்.
இந்தப் படம் முடிந்ததும் விஷால் நடிக்கும் சண்டக்ககோழி - 2 படத்தின் வேலைகள் ஆரம்பமாகுமாம்!
