'புலி' படத்திற்கு ஏற்பட்ட தோல்வியினால் தற்போது அட்லி இயக்கும் தாறு மாறு படத்தை வெற்றியடைய வைத்தே ஆக வேண்டும் என்ற வெறியில் இருக்கிறாராம் விஜய்.
அதனால், அவசரஅடியாக படத்தை எடுக்காமல் நிதானமாக எடுக்கும்படி அட்லீயிடம் சொல்லி இருக்கிறார் விஜய். எனவே தற்போது நடித்துவரும் தாறுமாறு படத்தின் வேலைகள் முடிய அடுத்த ஆண்டு பிப்ரவரி ஆகிவிடும் என்று சொல்லப்படுகிறது.
படத்தை 2016 ஏப்ரல் 14 அன்று வெளியிட உள்ளனர். இப்படத்தைத் தொடர்ந்து 'அழகிய தமிழ் மகன்' படத்தை இயக்கிய பரதன் இயக்கத்தில் புதிய படமொன்றில் நடிக்கவிருக்கிறார் விஜய்.
துப்பாக்கி, ஜில்லா படங்களைத் தொடர்ந்து விஜய்க்கு ஜோடியாக நடிக்கிறாராம் காஜல் அகர்வால். விஜய் 60 படத்திற்கு சந்தோஷ் நாராயணன் இசையமைக்கவிருக்கிறார்.
இந்தப்படத்தின் மூலம் விஜய்யுடன் முதல்முறையாக இணைவிருக்கிறாராம் சந்தோஷ் நாராயணன். பிரவீன் கே.எல். எடிட்டிங் பணிகளை கவனிக்கிறார். விஜயா புரடக்ஷன்ஸ் தயாரிப்பில் உருவாக உள்ள 'விஜய் 60' படத்தின் துவக்கவிழா ஏப்ரல் மாதம் நடைபெறுமாம்.
அன்றைய தினமே படப்பிடிப்பையும் துவங்க திட்டமிட்டிருக்கிறார்கள். 2016 ஆம் ஆண்டு தீபாவளிக்கு விஜய் 60 படத்தை வெளியிட திட்டமிட்டுள்ளனர்.
