உத்தம வில்லன், பாபநாசம், தூங்காவனம் என அடுத்தடுத்து படங்களில் நடித்து இன்றைய இளம் நடிகர்களையே ஆச்சர்யப்பட வைத்து கொண்டிருக்கிறார் 60வது இளமை கதாநாயகன் கமல்ஹாசன்.
ஒரு படத்தை முடித்த அடுத்த சில தினங்களிலேயே தனது அடுத்தபடத்தில் நடிக்க தொடங்கி முன்பை விட ஜெட் வேகத்தில் சென்று கொண்டிருக்கிறார்.
பாபநாசம் படத்தின் வெற்றிக்கு பின்னர் தனது உதவியாளர் ராஜேஷ் எம் செல்வா இயக்கத்தில், தூங்காவனம் படத்தில் நடித்தவர், அந்தப்படத்தை முடித்துவிட்டார். தற்போது தூங்காவனம் படத்தின் போஸ்ட் புரொடக்ஷன்ஸ் வேலைகள் தீவிரமாக நடந்து வருகிறது.
இந்நிலையில் தூங்காவனம் படத்தை முடித்த கையோடு சத்தமில்லாமல் அடுத்தபடத்திலும் நடிக்க தொடங்கிவிட்டார் கமல்.
இதை அவரது புதிய தோற்றமே சொல்கிறது. தூங்காவனம் படத்தின் தெலுங்கு பதிப்பான சீகட்டி ராஜ்யம் படத்தின் பிரஸ்மீட்டில் பங்கேற்ற கமல், முறுக்கு மீசையுடன் தோன்றினார்.
கமலின் இந்ததோற்றம் கிட்டத்தட்ட தேவர் மகன் பட லுக் போன்று தோன்றுகிறது. கமலின் அடுத்தப்படத்தையும் தூங்காவனம் ராஜேஷ் தான் இயக்குகிறார் என்பது குறிப்பிடத்தக்கது.
