லிங்கா படத்தை பார்த்து கண்கலங்கியிருக்கிறார் நடிகை ராய் லட்சுமி என்ற லட்சுமி ராய். ரஜினி மற்றும் அவரது ரசிகர்களுக்கு நேற்று(டிச., 12ம் தேதி) டபுள் கொண்டாட்டம்.
ஒன்று ரஜினியின் பிறந்தநாள் மற்றும் அவரது லிங்கா படம் ரிலீஸ். இந்த இரண்டையும் அவரது ரசிகர்கள் கொண்டாடி மகிழ்ந்து வருகின்றனர்.
ரசிகர்கள் மட்டுமல்லாது ஏராளமான திரைநட்சத்திரங்களும் ரஜினியின் லிங்கா படத்தை பார்த்து தங்களது விமர்சனங்களை தெரிவித்து வருகின்றனர். இந்நிலையில் நடிகை லட்சுமி ராய் நேற்று லிங்கா படத்தை பார்த்து தனது கருத்தை டுவிட்டரில் தெரிவித்துள்ளார்.
அதில் லிங்கா படம் செம மாஸாக இருந்தது, தலைவர் மாதிரி யாராலும் வர முடியாது. படத்தின் இரண்டாம் பகுதி என் மனதை மிகவும் தொட்டது, ஒருக்கட்டத்தில் நான் கண் கலங்கிவிட்டேன்.
சோனாக்ஷி சின்ஹா மிக அற்புதமாக நடித்துள்ளார், அவரது கேரியரில் இந்தப்படம் சிறப்பானதாக இருக்கும், அவவரைப்போலவே அனுஷ்காவும் ரொம்ப அழகாக நடித்திருக்கிறார்,
லிங்கா படத்தை மிகவும் ரசித்து பார்த்தேன், மொத்த படக்குழுவுக்கும் நன்றி. லிங்கா செம மாஸ் அண்ட் கிளாஸ் என்று கூறியுள்ளார்.
