பாண்டிராஜ் இயக்கத்தில் சிம்பு நயன்தாரா நடிக்கும் இது நம்ம ஆளு படம் ட்ரராப்பாகிவிட்டதாக படத்துறையில் பரவலாகப் பேசப்பட்டு வருகிறது.
அதை உண்மையாக்கவதுபோல், இது நம்ம ஆளு படத்தின் நாயகனான சிம்பு வெளிநாட்டுக்குக் கிளம்பிப்போனார். நாயகி நயன்தாராவோ வேறு சில படங்களுக்கு கால்ஷீட் கொடுத்து பிஸியாக நடித்து வருகிறார்.
இது நம்ம ஆளு படத்தின் இயக்குநரான பாண்டிராஜும் சூர்யாவின் தயாரிப்பில் புதிய படத்தை இயக்கி வருகிறார்.
இதை எல்லாம் வைத்து இது நம்ம ஆளு படம் ட்ராப்பானதாக சொல்லப்பட்டு வந்தநிலையில் தற்போது வெளிநாட்டிலிருந்து திரும்பி உள்ளார் சிம்பு.
அவர் வந்திறங்கியதும் மீண்டும் இது நம்ம ஆளு படம் பற்றிய தகவல்கள் அடிபட ஆரம்பித்துள்ளன. இப்படத்தின் படப்பிடிப்பு இன்னும் ஒரு சில நாட்கள் நடந்து விட்டால் மொத்த படமும் முடிந்து விடுமாம்.
இதுவரை எடுத்தது வரையிலான காட்சிகளின் டப்பிங் உட்பட அனைத்து வேலைகளையும் முடித்து வைத்துள்ளாராம் பாண்டிராஜ்.
எனவே இப்படத்தின் டீஸரை பொங்கல் அன்று வெளியிட திட்டமிட்டுள்ள பாண்டிராஜ் ஏப்ரல் மாதத்துக்குள் படத்தை வெளியிட திட்டமிட்டு இருக்கிறாராம். இப்படத்திற்கு சிம்புவின் தம்பி குறளரசன் இசை அமைக்கிறார்.
