மில்க் இயக்குனரால் ஐ காட் படத்தில் வில்லனாக அறிமுகப்படுத்தப்பட்ட மொட்டை தலை நடிகர் காட்டில் இப்போது அடை மழை.
அவரை ஹீரோவாக நடிக்க கேட்டு நான்கு கம்பெனிகள் வரிசையில் இருக்கிறது. "நமக்கு இந்த ஹீரோல்லாம் சரிப்படாதுப்பா. எதுனாச்சும் சின்ன ரோலா கொடுங்க சின்ன சம்பளம் கொடுங்க போதும்பா" என்று சொல்லிக் கொண்டிருந்தவர் இப்போது ஆளே மாறிட்டாராம்.
தனி மானேஜர், கால்ஷீட் மானேஜர், செய்தி தொடர்பாளர், பி.ஏ. உதவியாளர் என அவரைச்சுற்றி ஒரு கூட்டமே உருவாகிவிட்டதாம். சம்பளம், கால்ஷீட் தேதியை அவர்களே தீர்மாணிக்குறாங்களாம்.
கதையும் அவர்கள்தான் கேட்கிறார்களாம். "அண்ணன் அம்புட்டு சிம்பிள். எவ்வளவு கஷ்டப்பட்டு வேணாலும் நடிப்பாரு, கொடுக்கிற சம்பளத்தை சந்தோஷமா வாங்கிக்குவாரு.
இப்போ புதுசா வந்திருக்கிற ஜால்ரா கூட்டத்துக்கு நடுவுல கைதி மாதிரி இருக்காரு" என்று புலம்புகிறார்கள். அவருக்கு நெருக்கமானவர்கள்.
