சிவகார்த்திகேயன்-ஹன்சிகா மொத்வானி நடிப்பில் உருவாகியுள்ள புதிய படம் ‘மான் கராத்தே’. புதுமுக இயக்குனர் திருக்குமரன் இயக்கியுள்ள இப்படத்திற்கு அனிருத் இசையமைத்துள்ளார்.
எஸ்கேப் ஆர்ட்டிஸ் மோஷன் பிக்சர்ஸ் நிறுவனமும், ஏ.ஆர்.முருகதாஸ் புரொடக்ஷன்ஸ் நிறுவனமும் இணைந்து இப்படத்தை தயாரித்துள்ளது.
வருகிற ஏப்.4-ந் தேதி முதல் உலகமெங்கும் வெளியாகவுள்ள இப்படம் முன்னணி நடிகர்களுக்கு போட்டி போடும் வகையில் விற்பனையாகியுள்ளது. இப்படத்தை தமிழ்நாட்டில் மட்டும் 345 திரையரங்குகளில் வெளியிடப் போகிறார்களாம்.
மேலும் வெளிநாட்டில் 180, கர்நாடகா 60, கேரளா 55, வட இந்தியாவில் 35 என மொத்தமாக 675 திரையரங்குகளில் வெளியாக உள்ளது.
மல்டி பிளக்ஸ் திரையரங்குகளில் 2 தியேட்டர்களில் இப்படத்தை வெளியிடுகின்றனர்.
தியேட்டர் உரிமைக்காக மட்டும் இதுவரை 28 கோடி ரூபாய்க்கு விற்பனை ஆகியிருக்கிறது. மேலும், விஜய் டிவிக்கு வழங்கிய சேட்டிலைட் உரிமம் 9 கோடி ரூபாய்க்கும், வெளிநாட்டு உரிமை ரூ. 5 கோடிக்கும் விற்பனை ஆகியுள்ளது. ஆக மொத்தம் இப்படம் ரூ.42 கோடிக்கு விற்பனை ஆகியுள்ளது.
குறுகிய காலத்திலேயே சிவகார்த்திகேயன் நடித்த படத்திற்கு இந்த அளவுக்கு வரவேற்பு கிடைத்திருப்பது திரையுலகத்தை அதிர்ச்சியில் ஆழ்த்தியுள்ளது.
