ரஜினி டான் வேடத்தில் நடித்து வரும் படம் கபாலி. இந்த படத்தில் சென்னை மயிலாப்பூரில் வாழ்ந்த ரவுடி கபாலியின் வேடத்தில் ரஜினி நடித்து வருவதாக கூறப்படுகிறது.
ஆரம்பத்தில் சாதாரண ரவுடியாக இருக்கும் ரஜினி பின்னர் பெரிய டானாக வளர்ந்து மக்களுக்கு நன்மை செய்வது, அவர்களை பல பிரச்சினைகளில் இருந்து காப்பாற்றுவதுதான் இப்படத்தின் கதையாம்.
அந்த வகையில், இப்படத்தில் அவர் சென்னையில் நடிக்க வேண்டிய காட்சிகளை இங்கு செட் போட்டு படமாக்கினர். அப்போது ஒரு காட்சியில் நூற்றுக்கணக்கான மக்கள் தீ விபத்தில் சிக்கி விடுவார்களாம்.
அவர்களை உயிருடன் காப்பாற்றும் காட்சியில் ரஜினி நடித்தாராம். அந்த ஒரே காட்சியை சுமார் ஒரு வாரம் படமாக்கினாராம் டைரக்டர் ரஞ்சித்.
அதேபோல், பிழைப்புத்தேடி வெளிநாடுகளுக்கு செல்லும் ஏழை மக்களை ஒரு கும்பல் சிறை பிடித்துக்கொள்ளும் காட்சியும் இப்படத்தில் உள்ளதாம்.
அவர்களை ரஜினி சென்று மீட்டு வருவது போன்ற காட்சிகள் தற்போது மலேசியாவில் படமாக்கப்படுகிறதாம்.
மேலும், இந்த படத்தில் ஆரம்பகால ரஜினியை நினைவுபடுத்தும் வகையில், அதிரடி சண்டை காட்சிகளில் நடித்துள்ள ரஜினி, சில காட்சிகளில் பாட்ஷாவுக்கு இணையாக ஆவேச நடிப்பையும் வெளிப்படுத்திக்கொண்டிருக்கிறாராம்.
