பசங்க படத்தில் அறிமுகமான ஸ்ரீராம், கிஷோர், குட்டிமணி ஆகியோர் கோலிசோடாவில் மீண்டும் இணைந்தார்கள். தற்போது வஜ்ரம் என்ற படத்தில் நடித்து வருகிறார்கள்.
இப்போது இந்த டீம் கமர்கட்டு என்ற படத்தில் மீண்டும் இணைந்து நடிக்கிறது. வஜ்ரம் படத்தில் நடிக்கும் மனீஷா ஜித் இதிலும் நடிக்கிறார்.
பைசல் இசை அமைக்கிறார், ஸ்ரீதர் ஒளிப்பதிவு செய்கிறார். ராம்கி ராமகிருஷ்ணன் இயக்குகிறார்.
"கமர்கட்டு சிறியதாக இருந்தாலும் இனிப்பு மிக்கது. ருத்ராட்சம் சிறிதாக இருந்தாலும் சக்தி மிக்கது.
யாரையும் உருவத்தை பார்த்து எடைபோடக்கூடாது செயலைப் பார்த்துதான் எடைபோடவேண்டும் என்ற கருத்தை மையமாக வைத்து படத்தை எடுக்கிறோம்.
பொடியன்கள் என்று எல்லோரும் ஓதுக்கித் தள்ளும் சிறுவர்கள் பெரியவர்கள்கூட செய்ய முடியாத ஒரு காரியத்தை செய்து முடிக்கிறார்கள். அது என்ன என்பதுதான் கதை.
ஜவ்வாது மலையில் பிரமாண்ட லிங்கம் செட் அமைத்து வருகிறோம். வருகிற 24ந் தேதி முதல் படப்பிடிப்பு தொடங்குகிறது" என்றார் இயக்குனர் ராம்கி ராமகிருஷ்ணன்.
