ஒரு காலத்தில் 'சிக்ஸ் பேக்'கில் நடிகர்கள் அசத்துவது ஒரு ஃபேஷனாக ஆனது. தமிழில் பல நடிகர்கள் 'சிக்ஸ் பேக்' டிரை செய்து தங்களது உடல் வலிமைய வெளிப்படுத்தினர்.
சமீபத்தில் அதர்வா 'இரும்பு குதிரை' படம் வரை இந்த சிக்ஸ் பேக் கலாச்சாரம் இருந்து கொண்டுதானிருக்கிறது. ஆனால், பாலிவுட்டில் ஷாரூக்கான் ஒரு படி, இல்லை இரண்டுபடி மேலே போய் 'எய்ட் பேக்'கில் தோன்றும் புகைப்படத்தை வெளியிட்டு ஒரு பரபப்பை ஏற்படுத்தியிருக்கிறார்.
48 வயதில் அவர் உடலை இப்படி மாற்றியிருப்பதைப் பார்த்து அவருடைய ரசிகர்கள் மட்டுமல்ல திரையுலகினரும் ஆச்சரியப்படுகிறார்கள்.
'எய்ட் பேக்' குறித்து ஷாரூக் அதை உருவாக்கக் காரணமானவர்களுக்கு நன்றி தெரிவித்து, “இதற்கு மேல் என்னை கஷ்டப்படுத்தாதீர்கள் என 'ஹேப்பி நியூ இயர்' படத்தின் இயக்குனரான ஃபரா கானிடம் ஜாலியாக கேட்டுக் கொண்டிருக்கிறார். அதற்கு ஃபரா கான் “எனக்காக இதை செய்ததற்காக நன்றி,” என்று ஷாரூக்கானுக்கு பதிலளித்திருக்கிறார்.
ஷாரூக் கானின் எய்ட் பேக் உடலமைப்பைப் பார்த்து இன்னும் எத்தனை நடிகர்கள் அதை தொடர இருக்கிறார்களோ, இன்னும் எத்தனை லட்சம் ரசிகர்கள் அவருக்கு புதிதாக சேர இருக்கிறார்களோ என்றுதான் எண்ணத் தோன்றுகிறது.
ஆமீர் கான் ஒரு பக்கம் ஆடை இல்லாமல் போஸ் கொடுத்து பரபரப்பை ஏற்படுத்தியிருக்க மறுபக்கம் ஷாரூக் கான் எய்ட் பேக்குடன் ஒரு புதிய பரபரப்பை ஏற்படுத்தியிருக்கிறார்.
