ஹீரோக்கள் என்றால் மொழு மொழுவென்று சேவிங் செய்து, பளபள முகத்துடன் இருக்க வேண்டும் என்பதை மாற்றி அமைத்தவர் அஜீத்.
அவர்தான் முதன் முதலாக பத்து நாள் தாடியுடன் நடித்தார். அன்று தொடங்கிய டிரண்டுதான் இன்று வரை ஓடிக்கொண்டிருக்கிறது.
இப்போது எல்லா ஹீரோக்களும் பத்து நாள் தாடியுடன்தான் நடிக்கிறார்கள்.
அடுத்து மங்காத்தா, ஆரம்பம், ஜில்லா படங்களில் சால்ட் அண்ட் பெப்பர் லுக் டிரண்டை துவக்கி வைத்தார். அதனை இப்போது மலையாள ஹீரோக்கள் காப்பி அடிக்கத் தொடங்கிவிட்டார்கள்.
ஆஷிக் அபு இயக்கும் கேங்ஸ்டார் படத்தில் மம்முட்டியும், பி.உன்னிகிருஷ்ணன் இயக்கும் மிஸ்டர்.பிராட் படத்தில் மோகன்லாலும், செவன்த் டே என்ற படத்தில் பிருத்விராஜும், அஜீத்தை காப்பி அடித்து சால்ட் அண்ட் பெப்பர் லுக்கில் நடித்து வருகிறார்கள்.
இவர்கள் தவிர இன்னும் சில ஹீரோக்களும் நடித்து வருகிறார்கள்.
சால்ட் அண்ட் பெப்பர் லுக்கை மட்டுமல்லாது, அஜீத்தின் மேனரிசம், ஸ்டைல், டயலாக் டெரிவரியையும் காப்பி அடிக்க ஆரம்பித்திருக்கிறார்.
கவுதம் மேனன் இயக்கும் படத்தில் அடுத்த டிரண்டை ஆரம்பித்து வைக்க தயாராகிக் கொண்டிருக்கிறார் அஜீத்.
